|
|
|||||
Yaa Qiimayn U Samayn Kara Qaran, Barnaamijka Qaran-kaab Waa Baroortu Orgiga Ka Weyn, Faalo:- Qalinka: C.S.f(Jeesto).
0
Tuesday July 24, 2018 - 02:10:25 in Wararka by Super Admin
Yaa Qiimayn U Samayn Kara Qaran, Barnaamijka Qaran-kaab Waa Baroortu Orgiga Ka Weyn, Faalo:- Qalinka: C.S.f(Jeesto).
Inkastooy bulshadeenu tahay (Oral Society) Bulsho-afeed ama hadalba oo ay ku caan-baxdey baahinta wararka ay ku Bariisato, Waxa maalmahan danbe dhahayga aad uga batey Barnaamij la yidhaahdo Qaran-kaab, Oo daaran waa sida ay ku tiraabeen mukhtariciintii barnaamijku Qiimey Lagu Samaynayo Golaha Wasiirada ama Waaxda Fulinta dalka (Excultive Council), Sida ka muuqatey shaashadaha waxa hal-abuurey fakirkan dhalinyaro reer Somaliland ah oo dalka u dhashay waxaaney uga gol leeyihiin Qiimayn lagu sameeyo Xukuumada dalka hogaanka u haysa ee Cusub hagitaankeeduna ugubka yahay ee Madaxweyne Biixi, Ma xuma,e wax hala qiimeeyee horta aan is-weydiino yaa wax qiimeeya ama sidee loo sameeyaa qiimayn ama cabiraad heerkeeda aan naaqisheyso, Waxa biyo-kama-dhibcaan ah inuu dalku yahay mid dhamaystiran oo dawladnimo buuxda oo awoodeeda lihi ay hanaanka u hayso mana nihin ururo isbahaystay, Balse waxaynu nahay Dawlad.
Dunidan waxa lagu kala socdaa waa sharci ama qaynuun ay umaduhu ku heshiiyaan hadba intii bah-wadaag Qarameed ahi, Kuwaasi oo ku abtirsada dawlad gaara iyo astaan u gooniya oo ay Caalamka intiisa kale ku tix-galiyaan, ku ixtiraamaan, laguna calaamadsado sohdin ahaan, Hadaba waxaan uga socdaa inagu qarankeena Somaliland ahaan waxaynu leenahay kala-danbayn , Shuruuc iyo qawniin , Nidaam Dawladnimo oo leh (Institutionadiisii), Sidoo kale bulshada ku dhaqan waxa loo Qaybiyaa ( Civil Society, Government Staffs and Ruling Leaders, Government Agencies, Lngoies, Ingoies), Oo af-soomaali ahaan noqonaya (Bulshada Raydka Ah, Shaqaalaha Dawlada Iyo Madaxda Xukuumiga ah, Hay,ado Dawliya, Ururada Maxaliga ah iyo Kuwa Caalamiga ah), Dalkeenu horta sidaasuu u dhisan yahay heerarkaa umadu u qaabaysan tahayna waxa awooda u kala xadeeyey Dastuurka Jamhuuriyada Somaliland Iyo Shuruucda dalka u yaala.
Yada oo ay taasi jirto isla markaana aynu garanayno Awoodaha kala xadeysan ee isu haya Qarankan iyo umadiisa cida halkaa u soo dhaafta ee raadisa waxaan sharci aheyn ama aan ku oolin qawniinka, Imika barnaamijkan Qaran-kaab waa ayo cida u astaysay inuu hawlo noocan ah qabto teeda kale qaabkiisa Institution ahaaneed waa caynkee????, Sida ka muuqata magaciisa oo ka turjumaya yoolka uu leeyahay Teamkani ayaan cadayn waxase uu u dhaw yahay dhinaca macnaha War-baahin ta qaybteeda Websiteyada, Haduu yahay kuwaasi awood uma laha iney barnaamij qiimayn qarana sameeyaan waayo ma,aha hay,ad war-baahineed oo dawlada ka tirsan taasi uun baa qiimayn karta masuuliyiinta Qaranka, Hadii Wasaarada War-faafinta, Dhaqan iyo Wacyi-galintuna ay ka joojisey hawsha ay wado Qaran-kaabkani way ku saxsan tahay, Maxaa yeelay Wasaaradani ayaa qaranka u qaabilsan wixii war-baahinta la xidhiidha ama Baahinta barnaamijyada dawlada, Mar kaliya ayey sharci ahaan sameyn karaan barnaamijkaa waa hadii ay Ruqsad War-baahineed ka haystaan hay,ada Qaranka u igman.
Waxa xusid mudan hadaanay aheyn intaa aan soo xusnay midna waa waxba kama jiraan markaa haloosigoogu, Sababtoo ah kuma jiraan inta waaxood ee bulshada loo qaybiyo mana aha (Lngoies ama Igoeis), Kuwaasi ayaa awoodahan samaynsan kara maxaa wacay intooda badan kuwa Qaranka Somaliland u shaqeeya waxay ka diwaan-gashan yihiin Hay,ada Qorshaynta dalka oo xeer iyo xormo gaara oo dastuuri ahi ay qeexayso, Sharcigan aan xusnay haday waafaqsan yihiin way qaban karaan barnaamij iyo lababa laakiin marka aaney diwaan gashanayn cid diratayna aan la garayn ma,aha iney qorsheyaal nooc ah diyaariyaan, Talaabooyinkaasi Somalilandnimada ayey ceeb ku yihiin caqliga bani-aadamka ayuu ceebaynayaa qofka leh waxaan diyaarinayaa waxan loo igman si sharci ah , Qarankana maanta wuu dhaafey maalintii laysu shaxaadayey amaan la huwiyo qof aan mudan oo aduun ku hantey iyo xad-gudub lagu sameeyo geesi bilad sharaf mudan balse buun-buunin diidey.
Inta badan Barnaamijyada sidan ah waxa laga soo wal-waalaa dawladaha cadawga ku ah Somaliland , Taasina waxa kuu cadaynaysa ma jirto xiligan baahi loo qabo in la qiimeeyo Xukuumada cusub iyo golaheeda, Balse waa baroortu orgiga ka weyn , Waxa la doonayaa in lagu qiimeeyo qaab u jan-jeedha (Negative), Ama xun ee aan samayn yadoo aakhirka isugu soo biyo shubanaysa marka lagu cel-celiyo Dawlada may gudan waajibkeedii ileyn Qiimeynta masuuliyiintu waa qiimaynta Dawlada , Halka loo socdaana waa fashilnimo loola jeeda yada taasina waxay dhalinaysaa bulshadu iney nacdo dawladeeda , Basharka abuur ahaan wuxuu leeyahay laba maskaxood mid la yidhaa maskaxda soo jeeda (Conscious Mind) , Taasibaa kaydisa waxa lagu cel-celiyo si caadiyan ay maskaxdu u qaadataa, Hadaba yoolku waa kaa in la fashiliyo Qaranka markaa waan ka digaynaa Barnaamijyadaa iyo kuwa la mid ka ah, Waa qaran dumisnimo waana waajib halkaa inaan looga kicin xaqiiqduna waxay tahay in yoolku sidaa yahay.
Qalinka: C/raxmaan Sayid Faarax (Jeesto)
Diplomatic Annalism.
Gabiley/Somaliland.
Email: Abdiraxmaanjeesto111@gmail.com |
|
||||
Yaa Qiimayn U Samayn Kara Qaran, Barnaamijka Qaran-kaab Waa Baroortu Orgiga Ka Weyn, Faalo:- Qalinka: C.S.f(Jeesto).
Yaa Qiimayn U Samayn Kara Qaran, Barnaamijka Qaran-kaab Waa Baroortu Orgiga Ka Weyn, Faalo:- Qalinka: C.S.f(Jeesto).