Siyaasi Axmed Like oo Taageero Mug-leh la Garab Istaagay Go'aanada Shirka Garxajis Lagaga Mamnuucay Xulufada Jeegaanta, "..Waan ku Taageerayaa Shirka Beesha Garxajis Inaan Lagu marti qaadin Xulufadda Jeegaanta..".
".. Go'aanka kasoo baxay shirka Beel-weynta Garxajis ee lagu qaadacay inaanay kasoo qaygeli karin, Beelaha xulufka ku ah Jeegaanta, waan ku Taageerayaa, waxanan leeyahay way ku saxsan yihiin inaan lagu marti qaadin qolooyinka Jeegaanta ee galbeedka Hargaysa iyo bariga Burco, waxa kaloon ku taageerayaa Shirka Garxajis midnimada iyo wada jirkaa ay ku qabsadeen shirka ka socdaa Buurta Gacan Libaax ee Gobolka Saaxil..".
London(Xogreebnews)- Siyaasi
Axmed Xasan Cali-yare, ayaa soo dhoweeyey go’aanka Beesha Garxajis ku
qaadacday, kasoo qaybgalka shirka Gacan ilbaax Beelaaha galbeedka Hargeysa iyo Burco bariga, kuwasoo ah Beelaha Jeegaanta
ee xulufadda ku ahaa Xisbiga Kulmiye doorashadii Madaxtooyadda kal-hore.
Siyaasi Axmed Like oo
hadda ku sugan dalka Ingiriiska, waxa uu go’aankaa Beesha Garxajis ku tilmaamay
mid ka turjumaya durufihii kala duwanaa ee Beesha Garxajis kala kulantay
mudadii Somaliland jirtay, hoggaamiyaasha Siyaasadeed ee ku suntanaa Jeegaanta,
waxana dhawaaqoodani yahay mid mudan in lagu tixgeliyo, tabashooyinka Beeshu ka
qabto nidaamka dawladeed ee dalka, sidoo kalena waxa xusid mudan in Beesha
Garxajis lagu tixgeliyo dhawaaqeedan oo ka turjumaya tabaashooyin is daba
socday, oo runtii u baahan garawshiiyo, tusaale ahaan hadii ay tahay habka
Saami-qaybsiga Ciidamada iyo shaqaalaha dawladda, iyo sidoo kale, cidda
fariintu ku socoto oo loo baahan yahay inay ka waantooban weedhaha deel-qaafka
ah ee lagu damqaayo duruufihii 1994-kii. Sidaasna waxa uu ku sheegay waraysi uu
khadka Telefoonka ku siiyey shabakadda Warbaahinta Xogreebnews.com, isagoo
arrimahaas ka hadlayana waxa uu yidhi. ".. Go’aanka kasoo
baxay shirka Beel-weynta Garxajis ee lagu qaadacay inaanay kasoo qaygelayn
Beelaha xulufka Jeegaanta, waan ku Taageerayaa, waxanan leeyahay way ku saxsan
yihiin inaan lagu marti qaadin qolooyinka Jeegaanta ee galbeedka Hargaysa iyo
bariga Burco, waxa kaloon ku taageerayaa Shirka Garxajis midnimada iyo wada
jirkaa ay ku qabsadeen shirka ka socdaa Buurta Gacan Libaax ee Gobolka Saaxil..”. Siyaasi Axmed Like oo
hadalkiisa sii wataa waxa uu intaa raaciyey, "…Go’aanka Xulufada Xisbiga
Kulmiye iska dhaxashaa ee Jeegaanta lagaga mamnuucay shirka Garxajis waa mid ka
turjumayaa durufihii kala duwanaa ee lagu hayey Beeshaas, mudadii Somaliland
jirtay, waxanu dhawaqoodani yahay mid
mudan in lagu tixgeliyo, oo looga garaabo. Waayo?. Intii Somaliland jirtay ee
kooxda Jeenaagta loogu yeedhaa xukunkaa gacantaa ku hayeen, siyaasiyiintoodii
iyo madaxdooduba waxay Takoor Isir ah, ku lumiyeen Beesha Garxajis oo wasaarad
walbaa iyo goob kastaa oo Haayad dawladeed ahbaa waxa shaqaalaha dawladda %80 u
badan Jeegaanta, halkaa Somalilandta kale iyo weliba Beeshan Garxajis aanay
saami ku lahayn dawladnimada hadda jirta, tusaale ahaan shaqaalaha dawladda,
Ciidamada, madax-waaxeedyada wasaaradaha, iyo shaqaale hoosaadkaba waa laga hor
istaagay oo waxa iska hortaagay xulufada aan soo sheegnay”. Geesta kale, Siyaasi
Axmed Like, waxa uu sheegay inay wax badan usoo dul-qaateen Somaliland Beesha
Garxajis oo hadda ku shiray Buurta Gacan Libaax. Mar kale isagoo arrimahaas ka
hadlaya waxa uu yidhi, "… waxa haboon inaan Beesha Garxajis maalin walbaa la
xasuusin nabaradii xaqdarada iyo iskugu taga ahaa ee loo gaystay 1994-kii, aan
aamin sanahay inaanay Beel kale oo Somaliland ahi qaadateen gefkaas, waxanan
leeyahay waa inaan la damqin oo la dhayaa, gaar ahaana waxan ula sii hadlaya
kuwa la baxay Jeegaanta ee isku bahaystay Xisbiga Kulmiye. Xukuumada jirtana
waxan usoo jeedinayaa waa in sida ugu dhakhsaha badan loo fuliyaa go’aanadda
shirkaa kasoo baxay, waayo?. Waxa ku
jirtaa qaranimada Somaliland iyo wada-jirka dalka, hadii uu Madaxweynuhuu
dhagaha ka furaystanaa wax qurux badan masoo socdaan ee degdeg haloo fuliyo…
waxan xasuusinayaa cid kastoo samaha Somaliland jecel, doorkii bulshada
Garxajis ay ku lahayd xoreyntii dalka iyo aas-aaskii gooni-isku taagii
Somaliland. Beelaha Garxajis waxay ahaayeen laf-dhabarkii hal-gankii lagu
kiciyey Xukuumaddii keligii taliye Maxamed Siyaad-bare, waxayna lahaayeen
hoggaamiyaashii SNM ee dagaalkaa gadh-wadeenka ka ahaa, mana jirto Beel kaga
badan dibu-xoreyntii Somaliland. Sidaas daraadeed cidna kama sheegan karto
Somaliland, cidna kuma eedeyn karto wax aanay ahayn. Doonidu ama way inala wada
degeysaa ama waynu wada fuushanaanaynaa ”. Sidaas ayuu yidhi Siyaasi Axmed
Cali-yare (Axmed Like). Leave a comment |
|
Siyaasi Axmed Like oo Taageero Mug-leh la Garab Istaagay Go'aanada Shirka Garxajis Lagaga Mamnuucay Xulufada Jeegaanta, "..Waan ku Taageerayaa Shirka Beesha Garxajis Inaan Lagu marti qaadin Xulufadda Jeegaanta..".
".. Go'aanka kasoo baxay shirka Beel-weynta Garxajis ee lagu qaadacay inaanay kasoo qaygeli karin, Beelaha xulufka ku ah Jeegaanta, waan ku Taageerayaa, waxanan leeyahay way ku saxsan yihiin inaan lagu marti qaadin qolooyinka Jeegaanta ee g