Ingiriisku Meesha Uu Awr Marinaayo Irbad buu Ku Dayaa Siilaanyo-na Deegaamaynta Berbera Waxay La Gashay Masaajidkii Dekeda.
Qormadii 9 aad:
Maah Maah Soomaaliyeedbaa jirta oo tidhaahda awr xabilkii wuu qaadaa xadhig qaloocan se ma qaado. dadweynaha reer somaliland wey iskala silci
Ingiriisku Meesha Uu Awr Marinaayo Irbad buu Ku
Dayaa Siilaanyo-na Deegaamaynta Berbera Waxay La Gashay Masaajidkii Dekeda. Qormadii 9 aad: Maah Maah Soomaaliyeedbaa jirta oo tidhaahda awr xabilkii
wuu qaadaa xadhig qaloocan se ma qaado. dadweynaha reer somaliland wey
iskala silci lahaayeen mashruucan deegaamaynta mudada yar ee u hadhsan waqtigii
siilaanyo la doortay, waxaase arinta deegaamaynta ka sii daran, isbedelka xaga
maskaxda ah ee ku dhacay siilaanyo markii loo doortay madaxweynenimada
somaliland oo la mid ah isbedelkii ku dhacay sanadihii lixdamaadkii odeygii
reer burco ee la odhan jiray Aw Cabdi markii beeshiisu ay u doorteen caaqilnimadamarkaa ka dibna waxaan xasuustay qisadan soo socota. waxay dad badani is weydiinayaan siilaanyo markii uu ahaa
gudoomiyihii xisbiga KULMIYE iyo intii ka horeysayba noloshiisa wuxuu ahaan
jiray nin cod kar ah, aqoon leh ,talo qabeen ah, yaqaana xaajada ragga iyo
maareynta mushkiladaha ka hor yimaada waxayna umada somaliland iyo bulshada
caalamka inteeda kaleba ay is weydiinayaan siilaanyo markii uu noqday
madaxweynaha somaliland waakan saqiiray ee maxaa ku dhacay. hadaba su'aashan jawaabteeda waxaynu ka dhex helaynaa
qisadan soo socota. marka hore waxaa iga xasuus ah ragga inta ay meelaha
qaarkood gaadheen raadkoodii dib u raacay siilaanyo uguma horeynine waa looga horeeyey raggii marxaladaa uu
maanat siilaanyo ku sugan yahay soo marayna waxaynu tusaale u soo qaadan karnaa
odeygii reer burco ee la odhan jiray Aw Cabdi oo sanadihii lixdamaadkii ka mid
ahaan jiray ragga talo qabeenka ah ee loola tegi jiray xaajo kasta oo adkaata
oo la isku mari waayo kadibna furdaamin jiray, degmada burco iyo guud ahaanba gobolka
togdheer. hadaba magaalada burco xiligaasi aynu ka waramayno waxay
lahaan jirtay guri la odhan jiray aqalka odayaasha burco oo la keeni jiray
xaajo kasta oo adkaata laguna furdaamin jiray, gurigaasi may lahaan jirin beel
gaar ahi wuxuuse talis ama xarunta looga taliyo u ahaan jiray dadka deegaanka
burco oo dhan waxaanu gurigaasi lahaan jiray kala danbeyn nidaam iyo xeer aanay
maanta lahayn xukuumada siilaanyo,gurigaasi wuxuu lahaan jiray xeer beegti talo
qabeen ah oo guriga barman ama rasmi ku ahaan jiray oo furdaamin jiray
mushkiladaha kala duwan ee loo soo gudbiyo. hadaba odeygii reer burco ee maanta aynu diirada saanayno
ee Aw Cabdi waxaa lagu tilaami jiray in uu ka mid ahaa tirarka uu gurigaasi ku
taagnaan jiray iyo marka uu raggu sii kala baxo in uu ka mid ahaan jiray
dhawrka nin ee faro ku tiriska ahaa ee talada gurigaasi looga danbeyn jiray . hadaba odeygii Aw Cabdi markii uu taagnaa halkaa aynu soo
sheegnay muu ahayn caaqil beeleed wuxuuse ahaan jiray odey reer burco ah,
waxaase dhacday markii ay arintu halkaa maraysay ayay odeygii Aw Cabdi
beeshiisu u doorteen in uu caaqil u noqdo madaama uu yahay nin buuxiyey
shuruudihii caaqilnimo iyo in uu yahay ninka ugu haboon ee aan looga baqo qabin
in uu la anbado hogaaminta beeshiisa iyo in aanu beesha magac xumo ah u soo
duweyn,xilka caaqilnimadu xiligaasi
wuxuu la meeqaam ahaan jiray kursiga madaxweynenimo ee uu maanta siilaanyo ku
fadhiyo. hadaba markii odeygii Aw Cabdi loo xidhay duubkii
caaqilnimo waxaa ku dhacay isbedel xaga maskaxda ah,waxaanu odeyaashii reer
burco ee ay wada gorfeyn jireen arimaha iyo xeer beegtidii aqalka burco ee uu
ka tirsanaa ku war geliyey in uu Qaadkii iska Daayey oo uu maalintii
gurigiisa seexan doono, maah maah soomaaliyeedbaa jirta oo tidhaahda waxaan
caano iyo nabad ahaynba waa la kala qaadaa. odeygii Aw Cabdi waxaa wehel u noqday Dumar iyo Caruur
ragga wey kala xidhiidh furmeen sida madaxweyne siilaanyo oo kale had iyo jeer
weynu naqaanaa dagaalka looyaqaano safeynka ee dhex mara dumarka iyo caruurtu
wuxuu inta badan dhacaa casarka oo caruurta intooda badani ay guri yaha ku
sugan yihiin Dumarkuna aysan hayn shaqo
ama hawl mashuulisa , hadaba marka uu dagaalkaasi dhaco ee ay dumarku timaha
isku martaan ee ay qayladu dayaanto ayay dumarka xaafada oo dhami ku muusanaabi
jireen Aw Cabdiyow Ka Soo kaceey ileyn wax rag ah oo markaa guriga ku sugan
isagaa jiree wuxuunbaa la arki jiray Odeygii Aw Cabdi ee talada burcaba ay ka
go'i jirtay oo dumarka iyo caruurta dhex ordaaya oo feedho qaawan macamus
qudhana gunta nileyn waa nin qaylo dumar ku soo kacaye. hadaba maanta waxaynu is bar bar dhig ku samaynaynaa
odeygii Aw Cabdi intii aan caaqilnimada loo dooran halkii uu taagnaa iyo markii
duubka caaqilnimo ee beeshiisa loo
xidhay halkii uu ku soo dhacay iyo siilaanyo intii aan loo dooran
madaxweynenimada somaliland halkii uu taagnaa iyo halka uu ku soo dhacay markii
loo dooortay madaxweynenimada somaliland labadan arimood waxba ma kala duwan oo
Xaaji Axmed Siilaanyo iyo Aw Cabdi labaduba markii la saaray xil aan hore u
saarenyn waxay wehel ka dhigteen Dumar iyo Caruur. maalin dhaweyd waxaan Hotel maansoor ee Hargeysa ku arkay
wasiir ka tirsan xukuumada siilaanyo oo la hadlaaya odeyaal ay arin ku balan
sanaayeen waxaanu ku yidhi isagoo calaacalaya wax alle wax aanu samayno
garanmayno oo wax kale iska daaye shirka golaha wasiirada wixii aanu ku
go'aamino waxaa nooga danbeynaya dumar iyo caruur madaxweynuhu wax badan ma
oga. hadaba inkasta oo beeshii uu Aw Cabdi ka soo jeeday ay
caaqil kale doorteen markii ay arkeen xanuunka xaga maskaxda ah ee ku dhacay
caaqilkoodii ay u han weynayeen, maah maah soomaalyeedbaa jirta oo tidhaahda in
ay ku hadhay bay hawli haysaa. hadaba umada somaliland maanta waxay taagan tahay
marxaladii ay ka soo gudbeen beeshii uu ka soo jeeday odeygii Aw Cabdi waxaana
haboon mar hadii isbedelka muuqda ee ku dhacay madaxweyne siilaanyo markii la
doortay ka dib uu la mid yahay isbedelkii ku dhacay odeygii Aw Cabdi markii loo
xidhay duubkii caaqilnimo, waxayna ku haboon tahay in ay talo isugu yimaadaan
xisbiyada qaranka ,aqoon yahanka,madaxda dhaqanka ,suugaan yahanka iyo culimo awdiinka dalku kana tashadaan wixii
laga yeelaayo arintan soo korodhay. Siilayana lagu sii eegan kari maayo sidan uu maanta yahay
oo ah deegaamaynta beelaysan ee uu ka wada berbera iyo meelo kale iyo karti
darada ka soo waajahday hogaaminta dalka. Hadaba
isku soo wada duuduuboo Ingiriisku Meesha Uu Awr Marinaayao Irbadbuu Ku Dayaa
Siilaanyo-na Deegeemaynta Berbera Waxay La Gashay Masaajidkii Dekeda: Hadaba saaxiibayaal waxaan idinku dhaafayaa mid ka
mid ah heesihii ku jiray riwaayadii shabeel naagood ee uu curiyey Abwaankii
Xasan Sheekh Muumin codkoodana ay ku wada qaadaan Abdi Muxumed Aamiin iyo Hibo
Maxamed( Hibo Nuura) oo khusaynaysa mwduucan aynu ka hadlayno iyo tayo la aanta
xukuumada siilaanyo. DAB
DHAXMOODAY!!! Doc kastoo la eego Nolosha
dunidu waa dabkee Haddu dabkii
dhaxmoodo Maxaa lagu diiriyaa? Waa tilmaan la daahoo Degdeg kuma haboonee! Adoo deggan u fiirsoo Ujeedada
ideeqsii. Ruux haddii
la doortoo Darajada la
saariyo Xilkii
daryeeli waayo Dab dhaxmooday weeyee Waa su aal
da weynoo Madaxa daalinaysee! Wixii lagu
diirinaayo Dad weynahaa la weydiin DUR DUR
OOMAY !!! Durdurkaa
laga cabbaa Biyihiis
lagu dabaashaa Hadduu
harraad dareem Darkee laga waraabshaa? Waa tilmaan
la daahoo Deg deg kuma haboonee Adoo degan ufiirsoo Ujeedada
ideeqsii! Ruuxa duunyo
haystee Dahabkana
barkanayee Wixiisii deeqi waayaa Durdur oomay weeyee Waa su aal da weynoo Madaxa daalinaysee! Darkii laga waraabin Dadweynahaa la weydiin. DAWO
BUKOOTAY !!! Qofkii cudur dilaayo Dawadaa bogsiisee Haday dawo bukooto Maxaa lagu
dabiibaa? Waa tilmaan la daahoo Degdeg kuma haboonee Adoo degan
ufiirsoo Ujeedada
ideeqsii. Dalaalimada
diintiyo Distoorka
iyo xeerka Haddii dabool lasaaro Dawo bukootay weeyee Waa su aal
da weynoo Madaxa daalinaysee Wixii lagu dabiibi Dadweynahaa
la weydiin DUFAN
BASAASAY !!! Subaga dufankiisa Dadku ku dhaashadaane Hadduu dufan basaaso Maxaa duxdii
ka qaaday Waa tilmaan
la daahoo Deg deg kuma haboonee Adoo deggan ufiirsoo ujeeddada i deeqsi Isku soo wada duuboo La Soco
Taxanaha qormooyinka danbe. Qalinka:C/risaaq Suudi Nuur tel:4425243 Email:suudi88@gmail.com Hargeysa/Somaliland Leave a comment |
|
Ingiriisku Meesha Uu Awr Marinaayo Irbad buu Ku Dayaa Siilaanyo-na Deegaamaynta Berbera Waxay La Gashay Masaajidkii Dekeda.
Qormadii 9 aad: Maah Maah Soomaaliyeedbaa jirta oo tidhaahda awr xabilkii wuu qaadaa xadhig qaloocan se ma qaado. dadweynaha reer somaliland wey iskala silci