Waiirada waxaa garoonka diyaaradaha ee Shangahia ku soo dhaweeyay
madax sar sare oo ka tirsan wasaarada arrimaha dibeda Shiinaha iyo
Danjiraha Soomaaliya ee dhulweynaha Shiinaha Amb Yuusuf Dheeg.Wafdiga
ra’iisul wasaare ku xigeenka ayaa mudo todobaad ah ku sugnaan doona
dalka shiinaha waxeyna la kulmi doonta maalmaha Axada iyo Isniinta Madax
sar sare oo ka tirsan dalka shiinaha sida Raisul wasaare ku xigeenka,
Madaxwaynaha iyo Wasiirka Arrimaha dibeda ee shiinaha.
Fowziya ayaa kala hadli doonta madaxda shiinaha sidii ay uga qeyb
gali lahaayeen dib u dhiska soomaaliya iyo sidii ay u soo celin
lahaayeen mashaariicdii horumarinta oo ay ka wadeen Soomaaliya burburkii
ka hor.
Wafdiga waxaa ka mid ahaa wasiiru dowlaha arrimaha gudaha, wasiir ku
xigeenka wasaarada howlaha guud, guriyaynta iyo tamarta diplomaasiyiin
ka tirsan wasaarada arrimaha dibeda soomaaliya iyo xubno ka mid
shaqaalaha xafiiska raisul wasaareku xigeenka.Fowziya
Yuusuf Xaaji Aadam ayaa madaxda Shiinaha u gudbin doonta dhanbaal ay ka
wado madaxwaynaha Soomaaliya oo ku saabsan sida ay Soomaaliya diyaar
ugu tahay wax wada qeybsi iyo iskaashi dhex maralabada dal,waxaa kale oo
ay raisul wasaare ku xigeenku booqan doonta shirkado gacansi iyo qaab
dhismeedka magaalooyinka waaweyn ee dalka shiinaha si Soomaaliya ay
fikrad uga qaadato.
Ra’iisul wasaare ku xigeenka ayaa ku sii hakatay dalka magaalada
Dooxa ee caasimada dalka Qatar waxana ay halkaasi kula kulantay madax
sar sare oo uu ka mid yahay wasiirka arrimaha dibeda dalkaasi oo ay kala
hadashay sidii ay dowlada Qatar u laba laabi lahayd taageerada ay siiso
Soomaaliya,
Madaxda Qatar ayaa raisul wasaare ku xigeenka ahna wasiirka arrimaha
dibada ku amaanay horumarnka ay xukuumada Soomaaliya gaartay mudadii
koobnayd oo ay jirtay.
Wasiirka Arrimaha Dibadda Oo Ka Degtay Magaalada Shangahai Ee Dalka China “SAWIRRO”
Wasiirka arrimaha dibadda iyo iskaashiga caalamiga ah Fowziya Yuusuf Xaaji Aadan iyo wafdi ay hogaaminayso ayaa gaaray magaalada Shangahai ee caasimada dhaqaalaha dalka shiinaha.