Muqdisho(xogreebnews.com-Wasiiradda Arrimaha dibadda Somalia Fawsiya Haji Adam oo la xaqiijiyay inaysan ku jirin golaha cusub ee Xukumadda Federalka Somalia ayaa Muqdisho ka biloowday abaabul ka dhana beelweynta Habargidir iyo Dowladda Federalka Somalia.

Fawsiya Haji Adam waxay gurigeeda Muqdisho ku qabatay shir ay iskugu yeertay dhamaan Siyaasiyiinta iyo odayaal dhaqameedyada beesha Biyamaal kuwaas oo ay la kulansiisay Madaxweynaha Somalia Hassan Sheikh Mohamud.

Beesha Habargidir oo mudo dheer dagaal ugu jiray difaacida qadiyada Wasiirada Arrimaha dibadda Somalia Fawsiya Yusuf Haji Adam ayey filan waa ku noqotay kadib markeey ogaadeen inay taageero dhaqaale siisay Maleeshiyo beeleedka Biyamaal ee Gobolka Shabeelada hoose ku laayay qoysas beeraleeya oo u dhashay Habargidir .

Wasiirad Fawsiya oo dhaqaale badan heshay mudadii ay xilka heysay waxay ku wajahan tahay Somaliland oo la xaqiijiyay inay heshiis siyaasadeed la gaartay kadib markii Madaxweyne Siilaanyo aqbalay inuu Wasiirka Arrimaha gudaha u magacaabo Siyaasiga Cali Warancade oo Fawsiya isla yihiin beesha Isxaaq Habar yoonis.
Fawsiya sababaha xilka qaadisteeda waxaa sabab looga dhigay arrimo isbarkan oo ay ka mid yihiin :
1- iyadoo Sirtii Wasaaradda Arrimaha dibadda Somalia u gudbisay Somaliland,kuna sheegtay in laga xaday.
2- Iyadoo Diblomaasiyiinta reer Galbeedka ku sifeeyeen in waxyaabaheey ku wada hadlaan ka sheegto meel walba {Qof aan xog qarin diblomaasiyadeed laheen}

3-iyadoo noqotay qof fudud oo Madaxweynaha iyo Ra”isulwasaraha iskala weyn hadana mar walba ku dhegan qadiyadda madaxbanaanida Somaliland

.
4- Iyadoo lagu helay laaluush ay ka qaadatay Shirkado ganacsi iyo Hay”ado gaar loo leeyahay.

5- Iyadoo astaan u noqotay qabyaalad iyo waaya aragnimo la-aan diblomaasiyadeed.
6- Iyadoo ku kacday qiyaano Qaran,una saxiixday Dowladda Kenya lahaanshaha qeybo ka tirsan Badda Somalia.